لو جيت على نفسك مره ...!!!

لو جيت على نفسك مره ..

اياك تاني تكررها 

القهوه الساده بتاعتك ..

انت اللي رضيت بمرارها !!

ماتجيش على نفسك ابدا ..

لا الحال يصبح ف النازل

اللي هايتنازل مره ..

هايعيش دايما يتنازل !!

كل اللي يخونك / خونه ..

واياك تندم بعديه

كل اللي يبيعك / بيعه ..

لو حتى هاتخسر فيه !!

و كرامتك لازم تفضل ..

زي ماخدتها ع الزيرو

كل اللي يقرب منها ..

لازم تكسر مناخيره

م الآخر حط كرامتك ..

على قايمة الاستثناء 

مووت وانت كرامتك طاهره ..

ماتوسخهاش بفراق 

ماتضيعهاش بغباوتك ..

علشان حبة اشواق !!!